Stíflaður prenthaus - ástæður og viðgerðarkostnaður
Stíflaður prenthaus - ástæður og viðgerðarkostnaður
Framleiddar eru tvær gerðir af bleksprautuprenturum: þar sem prenthausinn er áfastur prenthylkinu og þar sem prenthausinn er “fastur” í prentaranum.
Þegar prenthausinn er áfastur prenthylkinu skiptir þú um hann í hvert skipti sem þú kaupir prenthylki, þessi hylki eru oftar en ekki mun dýrari en hylkin í þá prentara sem eru með prenthausinn “fastan”.
Við fáum svo til eingöngu til okkar í viðgerð, prentara með áföstum prenthaus. Iðulega eru þessir prentarar 3-7 ára og jafnvel eldri og hafa ekki verið í mikilli notkun.
Samhæfð blekhylki eru ekki ástæða þess að prenthausar stíflist, aðalástæðurnar eru þessar:
- Prentarinn er kominn til ára sinna
- Prentarinn hefur verið lítið notaður
- Ryk hefur komist í prenthausinn
- Prentarinn er geymdur á heitum og þurrum stað
Við hjá Prentvörum höfum miklar og góða reynslu í að þrífa prenthausa. Í langflestum tilfellum tekst okkur að losa stíflurnar og koma prentaranum í upprunanlegt ástand. Til þess að losa stífluna þarf blek að flæða um prenthausinn, oftar en ekki þurfum við að skipta út tómum blekhylkjum og setja ný í staðinn.
Þar sem við getum ekki tryggt árangurinn og við verðum eflaust að bæta hylkjum í prentarann þá greiða viðskiptavinir sem koma með prentara í viðgerð skoðunargjald kr. 3.000 og eitt stk. af hverjum lit sem fer í prentarann áður en viðgerð getur hafist.